Margir hafa velt þessu orði fyrir sér og spáð í þýðingu þess. Mér er það bæði ljúft og skylt að upplýsa fólk um hver merking orðsins sé. Þjóðfélagsendi er persóna sem hefur skipað sér á ysta enda þjóðfélagsins með framkomu sinni, hegðun, verkum, hugsunum, hugmyndum, atferli os.frv.
Dæmi um fræga enda er t.d. George Bush (eldri og yngri), Donald Rumsfeld, Tony Blair, Kobe Bryant, Alex Ferguson, Phil Jackson og fleiri.
Ég hef ákveðið að kunngera ekki lista minn yfir enda. Ástæðan er margþætt. T.d. vil ég hafa þarna á listanum skyldmenni, fólk sem ég vinn með eða hef unnið með, ekki vil ég hafa núverandi eða fyrrum samherja í handboltanum. Ég vona að aðdáendur mínir virði þessa ákvörðun.